"ബൈബിളിൽ പരസ്പരവിരുദ്ധമായ കാര്യങ്ങളുണ്ട്... ഒരിടത്തു പറഞ്ഞതിന് മറ്റൊരിടത്തു പറഞ്ഞതുമായി യാതൊരു പൊരുത്തവുമില്ല... അങ്ങനെയെങ്കില്‍ അത് എങ്ങനെയാണ് ദൈവവചനം ആകുന്നത്?"

സോഷ്യൽ മീഡിയാ പ്ലാറ്റ്‌ഫോമുകളിലായാലും, കോളേജ് കാമ്പസുകളിലായാലും, സുഹൃത്തുക്കൾ തമ്മിലുള്ള ആത്മീയ ചർച്ചകളിലായാലും - വിമർശകരിൽ നിന്ന് പതിവായി ഉയരുന്ന ഒരു പ്രധാന ചോദ്യമാണിത്. ബൈബിൾ മുറുകെപ്പിടിക്കുന്ന ഓരോ വിശ്വാസിയുടെയും ജീവിതത്തിൽ ഏതെങ്കിലും ഒരു സന്ദര്‍ഭത്തില്‍ ഈ വെല്ലുവിളി നേരിടേണ്ടതായി വരുന്നു. മറ്റു ചിലരിൽ ഇത് ഉള്ളിൽ ആരോടും തുറന്നുപറയാൻ കഴിയാത്ത സംശയങ്ങള്‍ പോലും ജനിപ്പിക്കുന്നുണ്ടാകാം.